Миср миллий жамоаси сардори Муҳаммад Салоҳ Янги Зеландияга қарши ўйин (3:1)дан сўнг учрашувнинг энг яхши футболчиси сифатида тақдирланди.
34 ёшли вингер 67-дақиқада жамоасининг иккинчи голини урди, ўйин охирида эса Трезегенинг голига ассистентлик қилди. Салоҳ нафақат икки голда бевосита иштирок этди, балки дарвозага энг кўп зарба берган (5 та) ва шерикларига энг кўп голли вазият яратган (5 та) футболчи бўлди.
Маълумот ўрнида, 2-турдан сўнг Миср миллий жамоаси 4 очко билан G гуруҳида пешқадам бўлиб турибди. Эрон ва Белгия ҳисобида 2 тадан очко бор, Янги Зеландия эса 1 очко билан сўнгги поғонани банд этган.
