FIFA президенти Жанни Инфантино жаҳон чемпионати гуруҳ босқич 1-тур доирасидаги Эрон миллий жамоасининг Янги Зеландияга қарши ўйинидан (2:2) сўнг уларнинг кийиниш хонасига ташриф буюрди.
Халқаро футбол федерацияси раҳбари эронлик футболчиларга мурожаат қилди ва унинг нутқи олқишлар билан қарши олинди.
«Бугунги ўйин қийин кечди ва бироз омад бўлганида сиз ғалаба қозонишингиз мумкин эди. Лекин яхши ўйин кўрсатяпсиз.
Олдинда яна икки ўйин бор ва сиз яна дунёни қилган ишларингиз билан фахрлантирасиз. Мен сизлар қандай йўллар орқали ўйинларга келаётганингизни биламан, тушунаман. Бироқ сиз барчасидан кучлисиз.
Бугун сиз бутун стадионни бирлаштирдингиз. Буни дунёга кўрсатдингиз ва кучли сигнал йўлладингиз. Катта раҳмат сизларга», — деди Инфантино.
Қайд этиш лозим, ўйин Лос-Анжелесда бўлиб ўтган. Ундан сўнг жамоага дарҳол АҚШ ҳудудини тарк этиб, Мексикадаги машғулот базасига қайтиш буюрилган.
