Уругвай миллий жамоаси сардори Федерико Валверде жаҳон чемпионати гуруҳ босқич 1-тур доирасидаги Саудия Арабистонига қарши ўйин (1:1)дан сўнг ўз фикрларини билдириб ўтди.
«Иккинчи бўлимда интенсивликни оширдик. Илк ўйиндаги ҳаяжон бизга қарши ишлади. Иккинчи бўлимда яхшироқ ўйнадик ва мураббий талаб қилган ишларни бажардик.
Сардор сифатида жамоа майдонда қилган ишларидан қониқиш ҳосил қилдим. Айниқса, дурангга эришиш учун нималар қилганимизни таъкидламоқчиман.
Мухлислар қўллаб-қувватлаши бизга катта куч берди ва келган барчага миннатдорчилик билдираман. Кейинги ўйинда ғалаба қозониш учун қаттиқ меҳнат қиламиз», — деди Валверде.
Маълумот ўрнида, Уругвай гуруҳ босқич 2-турида Кабо-Вердега қарши майдонга тушади.
