«Ал Ҳилол» ҳужумчиси Дарвин Нунес клубни тарк этишга яқин. Бу ҳақда Carve Deportiva нашри хабар берди.
Қайд этилишича, футболчи шартномасини бекор қилиб, эркин агент сифатида «Ливерпул»га қайтиши мумкин. У Англия грандини 53 миллион евро эвазига тарк этганди.
Якунланган мавсум Дарвин «Ал Ҳилол» сафида 24 та ўйинда иштирок этиб, 9 та гол ва 5 та ассист қайд этди. 2025/2026 йилги мавсум якунига кўра, «Ливерпул» 60 очко билан АПЛ турнир жадвалида 5-ўринни эгаллади.
Аввалроқ «Ал Ҳилол» Бензема трансферидан сўнг Нунес ва яна бир легионерни Саудия лигаси учун қайдномадан чиқариб юборгани маълум қилинганди.
