«Ливерпул» яримҳимоячиси Алексис Мак Аллистер ёзги трансфер ойнасида клубни тарк этиши мумкин. Бу ҳақда журналист Фабрицио Романо хабар берди.
Номи ошкор этилмаган бир нечта клуб аргентиналик футболчи атрофидаги вазиятни диққат билан кузатмоқда ва уни таркибига қўшиб олиш имкониятини кўриб чиқмоқда.
«Ливерпул» раҳбарияти ҳам 27 ёшли футболчи бўйича таклифларни кўриб чиқишга тайёр экани айтилмоқда. Transfermarkt порталига кўра, Алексиснинг нархи 70 миллион еврога тенг.
Аввалроқ Вирцнинг «Ливерпул»да қолиши маълум қилинганди.
