Ўзбекистон миллий жамоаси вингери Жалолиддин Машарипов жароҳати ҳақида гапириб ўтди.
«Умуртқалараро диск чурраси (грижа) ўша вақтда безовта қилди. Ҳозир яхши ҳаммаси. Худога шукр, ўтиб кетди.
Худо ҳоҳласа, индиндан умумий гуруҳ машғулотларига чиқаман. Ҳозир машғулот залда шуғулланиб, мослашиш жараёнидан ўтаман. Индиндан эса умумий машғулотлар бошланади.
Бу касаллик 5-6 йилдан бери бор. 3 йил олдин Эрон билан ўйнаганимизда ҳам Тошкентда икки кун олдин укол олиб ўйинга чиққанман, ўйнаганман.
Худога шукр, ҳозир яхши. Энди бир-бир безовта қиляпти. Бунақа касали борлар билади. Уколларни олдик, энг муҳими. Ҳаммаси яхши, Худо хоҳласа.
Насиб қилса, 26 талик таркибда бўлишим керак деб ўйлайман», — деди Машарипов Championat Asiaга берган интервюсида.
Аввалроқ Машарипов Канада ва Нидерландияга қарши ўйинларни жароҳат сабаб ўтказиб юборгани маълум қилинганди.
