Португалия миллий жамоаси бош мураббийи Жорже Жезуш Данияга қарши Миллатлар Лигаси ўйини олдидан Криштиану Роналду шарафига ўтказиладиган акцияни қўллаб-қувватлади.
«Бу ташаббус мураббийлар штабидан чиқмаган. Бундай қарорларни федерация раҳбарияти қабул қилади.
Менимча, бу ажойиб ғоя. Криштианунинг миллий жамоадаги 23 йилини, ютуқларини ва жаҳон футболидаги ўрнини ҳеч ким унутмаслиги керак.
Мен у билан бир йил ишлаганман ва унинг ёш футболчилар учун қанчалик муҳимлигини биламан. Роналду — Португалия футболи афсонаси», — деди Жезуш Record нашрига берган интервюсида.
Маълумот ўрнида, 15 ноябрга ўтар кечаси Данияга қарши баҳсда Португалия футболчиларининг барчаси Роналду шарафига 7-рақамли футболкада майдонга чиқади. 7-дақиқада эса мухлислар трибуналарда унинг шарафига тўхтовсиз қарсак чалишади.
Учрашув Брагада Тошкент вақти билан 15 ноябр, соат 00:45 да бошланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади