Portugaliya milliy jamoasi bosh murabbiyi Jorje Jezush Daniyaga qarshi Millatlar Ligasi o'yini oldidan Krishtianu Ronaldu sharafiga o'tkaziladigan aksiyani qo'llab-quvvatladi.
«Bu tashabbus murabbiylar shtabidan chiqmagan. Bunday qarorlarni federatsiya rahbariyati qabul qiladi.
Menimcha, bu ajoyib g'oya. Krishtianuning milliy jamoadagi 23 yilini, yutuqlarini va jahon futbolidagi o'rnini hech kim unutmasligi kerak.
Men u bilan bir yil ishlaganman va uning yosh futbolchilar uchun qanchalik muhimligini bilaman. Ronaldu — Portugaliya futboli afsonasi», — dedi Jezush Record nashriga bergan intervyusida.
Ma'lumot o'rnida, 15 noyabrga o'tar kechasi Daniyaga qarshi bahsda Portugaliya futbolchilarining barchasi Ronaldu sharafiga 7-raqamli futbolkada maydonga chiqadi. 7-daqiqada esa muxlislar tribunaда uning sharafiga to'xtovsiz qarsak chalishadi.
Uchrashuv Bragada Toshkent vaqti bilan 15 noyabr, soat 00:45 da boshlanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi