«Манчестер Юнайтед»нинг собиқ бош мураббийи Майкл Кэррик фаолиятини Лондоннинг «Вест Ҳэм» клубида давом эттириши мумкин. Бу ҳақда indykaila News хабар берди.
Маълум қилинишича, «болғачилар» раҳбарияти 45 ёшли мутахассисни жамоа бош мураббийлигига номзод сифатида кўриб чиқмоқда.
Агар амалдаги бош мураббий Скотт Паркер жамоанинг турнир жадвалидаги ҳолатини яхшилай олмаса, клуб Кэррик билан музокара бошлаши мумкин.
Эслатиб ўтамиз, Кэррик 12 ноябр куни «Манчестер Юнайтед»ни тарк этди. Унинг ўрнини аргентиналик Маурисио Почеттино эгаллади.
Қайд этиш лозим, Майкл 2026 йил бошидан буён манчестерликларни бошқариб келаётган эди ва 2025/2026 йилги мавсумнинг қолган 17 та баҳсида 12 та ғалабага эришиб, «Манчестер Юнайтед»ни АПЛнинг 3-поғонасига олиб чиққан. Ушбу даврда жамоа чемпионатда бошқалардан кўпроқ очко жамғарган.
Маълумот ўрнида, «Вест Ҳэм» ушбу мавсумни Чемпионшипда ўтказмоқда. Лондонликлар 15 турдан сўнг 23 очко жамғариб, турнир жадвалида 9-ўринни эгаллаб турибди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади