Бразилия миллий жамоаси вингери Рафиня Диас Японияга қарши ўртоқлик учрашувидаги ҳакамликдан норозилигини билдирди. Ушбу баҳсда бразилияликлар 2:3 ҳисобида мағлуб бўлди.
«Жаҳон чемпионатидан кейин ўсишга эришяпмиз, аста-секин ўз ўйинимизни топяпмиз. Менимча, яхши ўйнадик!
Айниқса, иккинчи бўлимда анча кучли ҳаракат қилдик. Лекин ҳакамга қарши ҳам курашишга тўғри келса, футбол ўйнаш қийинлашади. Бу ҳаммасини мураккаблаштиради.
Айбимиз йўқ демайман. Ҳали кўп жиҳатларни яхшилашимиз керак ва буни албатта қиламиз. Лекин бугунги ҳакамликни эътиборсиз қолдириб бўлмайди», — деди Рафиня The Touchline нашрига берган интервюсида.
Япония эса ғалаба голини учрашувнинг сўнгги дақиқаларида урди. Асосий таркибда майдонга тушган Рафиня 71-дақиқада захирага олинди. 90+2-дақиқада эса унга қизил карточка кўрсатилди.
