«Барселона» ҳужумчиси Рафиня Диас фаолиятини якунлаш қарорини қачон қабул қилиши ҳақида гапирди. Бразилиялик футболчи жисмоний ҳолатига жиддий эътибор беришини ва ўзига нисбатан талабчан эканини таъкидлади.
«Танам имкон бергунча бор кучим билан ҳаракат қилишда давом этаман. Жисмонан энди юқори савияда ўйнай олмаслигимни англаганимда, фаолиятимни якунлаш қарорини биринчи бўлиб ўзим қабул қиламан. Мен ўзимга нисбатан жуда талабчанман», — дея Рафинянинг сўзларини келтиради Barsa Universal.
29 ёшли футболчи ушбу мавсумда барча мусобақаларда 14 та баҳсда майдонга тушиб, 19 та гол урган ва учта голли узатмани амалга оширган.
Маълумот учун, «Барселона» Испания чемпионатининг 13-турида 22 ноябр куни «Вилярреал»га қарши баҳс олиб боради. Беллашув Тошкент вақти билан 19:00 да бошланиши белгиланган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади