Пономарёв: «Россия Ўзбекистонга 5 та гол уриши керак эди. Савиясиз жамоага қарши 1,5 бўлим овора бўлдик»

Москванинг ЦСКА клуби собиқ футболчиси Владимир Пономарёв Россия миллий жамоасининг Ўзбекистон (3:2) устидан қозонган ғалабаси ҳақида фикр билдирди.

Баҳс давомида Валерий Карпин бошчилигидаги жамоа 0:2 ҳисобида ортда бораётганига қарамай, якунда вазиятни ўз фойдасига ўзгартира олди.

«Ўзимни циркка келиб қолгандек ҳис қилдим. Чунки кўрганларим циркда айиқларнинг хоккей ўйнашини эслатди.

Бундай рақиб дарвозасига 5 та гол уриш керак эди. Ўзбекистон миллий жамоаси умуман футбол ўйнашни билмайди. Биз эса шундай савиясиз жамоага қарши бир ярим бўлим овора бўлдик, ҳатто ўз дарвозамизга ҳам гол олиб келдик.

Агар мағлубиятга учраганимизда, бу шармандалик бўларди», — дея Пономарёвнинг сўзларини келтиради Rusfootball.