Ponomaryov: «Rossiya O‘zbekistonga 5 ta gol urishi kerak edi. Saviyasiz jamoaga qarshi 1,5 bo‘lim ovora bo‘ldik»

Moskvaning SSKA klubi sobiq futbolchisi Vladimir Ponomaryov Rossiya milliy jamoasining Oʻzbekiston (3:2) ustidan qozongan gʻalabasi haqida fikr bildirdi.

Bahs davomida Valeriy Karpin boshchiligidagi jamoa 0:2 hisobida ortda borayotganiga qaramay, yakunda vaziyatni o‘z foydasiga o‘zgartira oldi.

«O‘zimni sirkka kelib qolgandek his qildim. Chunki ko‘rganlarim sirkda ayiqlarning xokkey o‘ynashini eslatdi.

Bunday raqib darvozasiga 5 ta gol urish kerak edi. O‘zbekiston milliy jamoasi umuman futbol o‘ynashni bilmaydi. Biz esa shunday saviyasiz jamoaga qarshi bir yarim bo‘lim ovora bo‘ldik, hatto o‘z darvozamizga ham gol olib keldik.

Agar mag‘lubiyatga uchraganimizda, bu sharmandalik bo‘lardi», — deya Ponomaryovning so‘zlarini keltiradi Rusfootball.