Shomurodov: «Jismoniy tomondan yutqazdik»

O‘zbekiston milliy jamoasi hujumchisi Eldor Shomurodov Rossiya (2:3) bilan o‘rtoqlik o‘yinidan so‘ng o‘z fikrlarini bildirdi.

«Alamli natija. 2:0 hisobida oldinda borib, yakunda yutqazib qo‘ydik. Rossiyada texnik jihatdan kuchli o‘yinchilar bor va ular xatolarni kechirmaydi.

O‘ylaymanki, o‘yin yomon bo‘lmadi. Tarkibda yosh futbolchilar ko‘p. Ularga shunday katta o‘yinlarda amaliyot kerak.

G‘alabaga ishonib qoldik, deb o‘ylamayman. Menimcha, jismoniy tomondan ham yutqazdik. Ozroq charchab qoldik.

Mashg‘ulotlar kam bo‘lgani ta’sir qiladi, albatta. Yangilanayotgan tarkib va yosh o‘yinchilar bilan biroz vaqt kerak», — deya Shomurodovning so‘zlarini keltiradi Tribuna.uz muxbiri.