Россия ўз тарихида илк бор икки тўп фарқидаги мағлубиятни ғалабага айлантирди

Россия миллий жамоаси тарихий ғалабага эришди.

Валерий Карпин бошчилигидаги жамоа Ўзбекистонга қарши баҳснинг 70-дақиқасига келиб 0:2 ҳисобида ортда бораётганди. Бироқ руслар уч марта гол уришга муваффақ бўлишди ва ўртоқлик беллашувида ғалаба қозонишди.

Бунгача Россия миллий жамоаси ўйин давомида икки гол фарқи билан ортда бора туриб, ҳеч қачон ютолмаганди. Энг яхши ҳолатда ҳисобни тенглаштиришга муваффақ бўлган.

Жумладан, 2017 йилда Белгия (3:3) ва Испания (3:3), 2003 йилда Швейцария (2:2), 2001 йилда Греция (3:3) ҳамда 1996 йилда Чехияга (3:3) қарши ўйинларда камбэк қайд этилган.