«Ювентус» яримҳимоячиси Кефрен Тюрам ёзги трансферлар ойнасида клубини ўзгартириши мумкин.
Журналист Мирко Ди Наталенинг хабар беришича, 24 ёшли футболчига Туркиянинг «Галатасарой» клуби билан бир қаторда Англиянинг икки гранди — «Манчестер Юнайтед» ва «Ливерпул» ҳам қизиқиш билдирмоқда.
Тюрам 2024 йилда Франциянинг «Ницца» клубидан 20 миллион евро эвазига Турин жамоасига кўчиб ўтган эди.
Франциялик футболчининг «Ювентус» билан амалдаги шартномаси 2029 йилнинг ёзига қадар мўлжалланган.
2025/26 йилги мавсумда Тюрам барча мусобақаларда 45 та баҳсда майдонга тушиб, 4 та гол ва 5 та голли узатмага муаллифлик қилди.
Маълумот учун, Тransfermarkt портали Кефрен Тюрамнинг бозор қийматини 38 миллион еврога баҳоламоқда.
