Бразилиялик собиқ яримҳимоячи Фелипе Мело миллий жамоа дарвозабони Алисон Беккер манзилига йўлланган танқидлар ва кипернинг Жаҳон чемпионати-2026даги иштироки ҳақида гапирди.
Мусобақа стартидан аввалги икки ўртоқлик ўйинида Алисон 2 та гол ўтказиб юборди.
«Бу танқидлар мантиқсиз эмас, уларни тушунса бўлади. Ҳар ҳолда мен мухлисларни тушунаман. Лекин ҳеч қандай шубҳам йўқки, ушбу Жаҳон чемпионати унга ажойиб ҳаракатларини амалга ошириш ва асосий ўйинчи бўлиш, катта саҳнага чиқиш вақти бўлади», – деб ёзди Мело ижтимоий тармоқда.
Мусобақа гуруҳ босқичида Бразилия миллий жамоаси Марокаш (14 июн), Ҳаити (20 июн) ва Шотландия (25 июн) миллий жамоалари билан баҳс олиб боради.
