Франция миллий жамоасининг собиқ ҳужумчиси Терри Анри Мюнхеннинг «Бавария» клуби яримҳимоячиси Майкл Олисени Жаҳон чемпионатида энг кўп кузатадиган ўйинчиси деб атади.
«Майкл Олисе — мен алоҳида эътибор билан кузатадиган ўйинчи. Биз унинг «Бавария» учун қилган ишлари ҳақида кўп гапиришимиз мумкин: мавсумнинг энг яхши ўйинчиси бўлгани, голли узатмалар бергани ва ўзи ҳам голлар ургани. У мураббий учун орзу-имконият. Менда у билан ишлаш имконияти бор эди. У фақат футбол ўйнамайди — у футбол ҳақида ўйлайди. Бу уни бошқалардан ажратиб туради», - деди Анри FOX Sports эфирида.
Маълумот учун, Анри Олисе билан 2024 йил Парижда бўлиб ўтган Олимпия ўйинларида Франция олимпия жамоасида ишлаган, у ерда жамоа кумуш медалларни қўлга киритган.
Якунига етган мавсумда Олисе «Бавария» билан Бундеслига ва Германия Кубогини ютди, Германия чемпионатининг энг яхши футболчиси деб топилди.
Маълумот учун, Франция миллий жамоаси Жаҳон чемпионатидаги иштирокини I гуруҳида 16 июнда Сенегалга қарши ўйин билан бошлайди.
