«Реал» ҳужумчиси Франко Мастантуоно фаолиятини Италияда давом эттириши мумкин. Бу ҳақда Tuttosport хабар берди.
Мадрид клуби аргентиналик футболчини бу ёзда кўпроқ ўйин амалиётига эга бўлиши учун қўйиб юборишга тайёр. Ҳужумчини ижара асосида ўз сафига қўшиб олиш «Ювентус»га таклиф қилинган.
Маълумот ўрнида, Франко 2025 йилда «Ривер Плейт»дан «Реал»га 45 миллион евро эвазига кўчиб ўтган. Унинг Мадрид клуби билан шартномаси 2031 йил 30 июнга қадар амал қилади.
Аввалроқ «Реал»да Мастантуоно учун жой топилмаётгани маълум қилинганди.
