Бу ҳақда The Athletic нашри хабар берди.
«Брайтон» клуби «Тоттенҳэм»га 19 ёшли хорватиялик ҳимоячи Лука Вушкович трансфери бўйича 35 миллион евролик таклиф юборди.
Футболчига Европанинг қатор топ клублари қизиқиш билдирмоқда. Жумладан, Каталониянинг «Барселона» жамоаси уни ўз сафида кўрмоқчи эканлиги ҳақида маълумотлар бор. Бироқ Вушковичнинг ўзи «Брайтон»ни фаолияти учун яхшироқ вариант деб ҳисобламоқда. Бундай фикрга «Ҳамбург»дан таниш бўлган жамоа бош мураббийи Фабиан Хюрцелер ҳам таъсир қиляпти.
Бундеслига ўтган мавсумида ҳимоячи 28 та ўйинда майдонга тушиб, 6 та гол урди.
Маълумот учун, Вушкович Хорватиянинг ЖЧ-2026 учун қайдномасига киритилган.
«Тоттенҳэм» 2023 йил «Ҳайдук»дан тахминан 12 миллион евро эвазига сотиб олган. Футболчининг амалдаги шартномаси 2030 йилгача мўлжалланган. Футболчи келажаги бўйича якуний қарор мундиалдан кейин қабул қилинади.
