ФИФА президенти Жанни Инфантино Италия миллий жамоасининг жаҳон чемпионатига чиқа олмаётгани ҳақида ҳазил қилди.
«Мовий гвардия» кетма-кет учинчи мундиални ўтказиб юбормоқда.
Канада, Мексика ва АҚШда ўтказилаётган 2026 йилги Жаҳон чемпионатда тарихда биринчи марта 48 та жамоа иштирок этмоқда.
«Биз бутун дунёни янада кўпроқ жалб қилиш учун 64 та жамоа иштирокида Жаҳон чемпионати ўтказиш имкониятини муҳокама қилгандик. Бу масала ФИФА Кенгашида кўтарилган, аммо ҳозирча 48 та жамоа билан ўтаётган биринчи турнирдан завқ олайлик.
Эҳтимол, 64 та жамоа билан Италия саралашдан ўтади… Бўлмаса, 208 та жамоагача борармиз...», — деди Инфантино CazeTV’га берган интервюсида.
Инфантино: «ЖЧдаги жамоалар сонини 64 тага етказсак, Италия ҳам саралашдан ўтади. Бўлмаса, 208 та жамоа қатнашар»
Футбол
12 июн, 13:20
ФИФА президенти «мовий гвардия»нинг қаторасига учинчи мундиалга чиқолмагани борасида ҳазил қилди.
Foto: Getty Images
