Infantino: "JCHdagi jamoalar sonini 64 taga yetkazsak, Italiya ham saralashdan o'tadi. Bo'lmasa, 208 ta jamoa qatnashar"

FIFA prezidenti Janni Infantino Italiya milliy jamoasining jahon chempionatiga chiqa olmayotgani haqida hazil qildi.

"Moviy gvardiya" ketma-ket uchinchi mundialni o'tkazib yubormoqda.

Kanada, Meksika va AQShda o'tkazilayotgan 2026 yilgi Jahon chempionatda tarixda birinchi marta 48 ta jamoa ishtirok etmoqda.

"Biz butun dunyoni yanada ko'proq jalb qilish uchun 64 ta jamoa ishtirokida Jahon chempionati o'tkazish imkoniyatini muhokama qilgandik. Bu masala FIFA Kengashida ko'tarilgan, ammo hozircha 48 ta jamoa bilan o'tayotgan birinchi turnirdan zavq olaylik.

Ehtimol, 64 ta jamoa bilan Italiya saralashdan o'tadi… Bo'lmasa, 208 ta jamoagacha borarmiz...", — dedi Infantino CazeTV'ga bergan intervyusida.