Англия миллий жамоаси ва «Манчестер Юнайтед» клуби собиқ ҳужумчиси Уэйн Руни яримҳимоячи Скотт Мактоминейни яна инглиз клуби сафида кўришни истайди.
«МЮ» Мактоминейни қўйиб юборганига ишона олмагандим. У қанчалик катта иштиёқ билан меҳнат қилаётгани кўриниб турганди-ку. Скотт ҳар бир ўйинда майдонга тушишга тайёр эди. У чиндан фойдали футболчи эди. Уни қайтаришларини жуда ҳам хоҳлардим», - дея собиқ форвард сўзларидан иқтибос келтирди Metro нашри.
Эслатиб ўтамиз, манчестерликлар шотландиялик футболчисини «Наполи»га 30 миллион евро эвазига қўйиб юборганди.
Ўтган мавсумда А Серия доирасидаги 33 ўйинда майдонга тушган 29 ёшли Скотт 9 та гол урди ва 3 та голли узатма етказиб берди.
