Самарқанднинг «Динамо» клуби легионер футболчилар Маҳамаду Дембеле ва Тил Мавретич билан хайрлашди. Бу ҳақда жамоа матбуот хизмати хабар берди.
«Суперлигада юзага келган танаффус ва мавсумнинг иккинчи қисми олдидан «Динамо» жамоаси франциялик ҳимоячи Маҳамаду Дембеле ва словениялик яримҳимоячи Тил Мавретич билан келишувни ўзаро тўхтатганини маълум қилади.
Клуб икки футболчи билан ҳам дўстона хайрлашади. Уларнинг Самарқанддаги ярим йиллик фаолияти учун миннатдорчилик билдирамиз ва кейинги фаолиятларига омад ҳамда зафарлар тилаб қоламиз», — дейилади хабарда.
Аввалроқ «Динамо» Улуғбек Ҳошимов билан ҳам хайрлашганди.
