«Бизга тетиклик ва аниқлик етишмади» — Де ла Фуэнте Кабо-Верде билан дурангдан сўнг

Испания миллий жамоаси бош мураббийи Хосе Луис де ла Фуэнте ЖЧ-2026 1-туридан ўрир олган Кабо-Верде (0:0) билан баҳсдан сўнг ўз фикрларини билдирди.

«Бугунги ўйинда ғалаба қозонишимиз керак эди. Чунки баҳс давомида содир бўлган барча ҳолатлар ва биз яратган қулай вазиятларни ҳисобга олганда, бунга лойиқ эдик. Аммо бизга жисмоний тетиклик ва аниқлик етишмади. Энди эса Саудия Арабистонига қарши бўладиган ўйин ҳақида ўйлашни бошлашимиз керак.

Биз ўсишда, ўйиннинг барча жиҳатларини яхшилашда ва ўз ритмимизни топишда давом этишимиз лозим. Кабо-Верде — жисмоний жиҳатдан жуда кучли жамоа. Биз уларнинг ҳимоявий услубда ўйнаши ва кучли футболчиларни майдонга туширишини билардик. Бунга яна бизда тетиклик етишмаганини қўшсак, натижа шундай. Бу футбол — бу ерда кучсиз рақиблар бўлмайди», — дея испанлар устозининг сўзларини келтиради ФИФА расмий сайти.