Испания миллий жамоаси дарвозабони Унаи Симон жаҳон чемпионати гуруҳ босқичининг биринчи турида Кабо-Верде билан дурангдан сўнг ўз фикрларини билдирди.
Эслатиб ўтамиз, ўйин 0:0 ҳисобида якунланди.
«Бу ҳали жаҳон чемпионатининг бошланиши. Турнир биз учун жуда узоқ давом этади, деб умид қиламиз. Бу бор-йўғи битта ўйин. Яхшиланиши керак бўлган жиҳатлар бор. Рақиб дарвозаси олдидан юзага келган хавфли вазиятлардан унумли фойдаланиш устида кўпроқ ишлашимиз керак», — деди Симон DAZN эфирида.
Маълумот учун, Испания миллий жамоаси турнирнинг 2‑турида Саудия Арабистонига қарши ўйнайди. Бу беллашув 21 июн кунига белгиланган.
