«Истанбул» клуби ва Ўзбекистон миллий жамоаси яримҳимоячиси Аббос Файзуллаев ЦСКА клубига қайтиш эҳтимолини рад этди.
— Яқинда сиз ЦСКАга қайтишингиз мумкинлиги ҳақида гап-сўзлар чиққанди. Ҳақиқатдан ҳам сизга қизиқиш борми?
— Бу ҳақда билмайман. Ҳозир у ерга қайтиш нотўғри қарор бўлади, чунки фаолиятимда янги қадам ташладим.
Менинг мақсадим — Европанинг топ-5 чемпионатларидан бирида ўйнаш. Агар Туркияда яхши футбол кўрсатсам, Худо хоҳласа, орзум ушалади, — деди Файзуллаев «Спорт Экспресс» билан интервюда.
Аввалроқ 22 ёшли футболчи ЖЧ-2026 доирасидаги Португалияга қарши ўйин ҳақида гапирганди.
Файзуллаев: «ЦСКАга қайтиш нотўғри қарор бўлади. Фаолиятимда янги қадам ташладим»
Футбол
15 июн, 12:10
Ўзбекистонлик яримҳимоячи асосий мақсадини айтди.
Foto: Getty Images
