Ispaniya milliy jamoasi darvozaboni Unai Simon jahon chempionati guruh bosqichining birinchi turida Kabo-Verde bilan durangdan so'ng o'z fikrlarini bildirdi.
Eslatib o'tamiz, o'yin 0:0 hisobida yakunlandi.
"Bu hali jahon chempionatining boshlanishi. Turnir biz uchun juda uzoq davom etadi, deb umid qilamiz. Bu bor-yo'gi bitta o'yin. Yaxshilanishi kerak bo'lgan jihatlar bor. Raqib darvozasi oldidan yuzaga kelgan xavfli vaziyatlardan unumli foydalanish ustida ko'proq ishlashimiz kerak", — dedi Simon DAZN efirida.
Ma'lumot uchun, Ispaniya milliy jamoasi turnirning 2-turida Saudiya Arabistoniga qarshi o'ynaydi. Bu bellashuv 21 iyun kuniga belgilangan.
