Эрлинг Ҳоланд 2026 йилги Жаҳон чемпионатидаги рақиблар ҳақидаги фикрлари билан ўртоқлашди.
Норвегия миллий жамоаси гуруҳда Ироқ, Франция ва Сенегалга қарши майдонга тушади.
«Биз қийин гуруҳдан ўрин олганмиз. Менимча, бу Жаҳон чемпионатидаги ҳар бир жамоанинг ўзига хос жиҳати бор ва гуруҳдан чиқиш учун жуда яхши ўйин кўрсатиш керак бўлади. Бу осон кечмайди. Турнирдаги ҳар бир беллашув оғир бўлади.
Ҳар бир Жаҳон чемпионатида кутилмаган натижа кўрсатадиган бир нечта жамоалар бўлади. Масалан, Саудия Арабистони 2022 йилда Аргентинани 2:1 ҳисобида мағлуб этганди.
Улар Аргентинани ютишди, аммо кейинчалик айнан Аргентина жаҳон чемпионлигини қўлга киритди. Жаҳон чемпионатининг ўзига хослиги ҳам ана шунда», — дея 25 ёшли форварднинг сўзларини келтиради ESPN.
Ҳоланд: «Ҳар доим ЖЧда кутилмаган натижа кўрсатадиган бир нечта жамоалар бўлади»
Футбол
15 июн, 13:40
Норвегиялик ҳужумчи мисол тариқасида 2022 йилги Саудияни эслади.
Foto: Getty Images
