Дешам: «Ироқ кучсиз эмас — Испания билан дуранг ўйнади, Норвегияга муносиб қаршилик кўрсатди»

Франция миллий жамоаси бош мураббийи Дидие Дешам Ироққа қарши ЖЧ-2026 2-туридан олдин рақибнинг даражасини баҳолади.

Беллашув 23 июн куни Lincoln Financial Field стадионида бўлиб ўтади.

«Бу кучсиз жамоа эмас. Улар Жаҳон чемпионати саралаш босқичида жуда кучли бўлган Боливияни ортда қолдиришди. Шунингдек, Испания билан дуранг ўйнашди ва Норвегияга муносиб қаршилик кўрсатишди. Уларнинг ўйин услуби яхши шаклланган, нима қилишаётганини билишади. Футболчилар техник жиҳатдан яхши тайёрланган.

Бу осон ўйин бўлади, деб ўйламаслигимиз керак. Гуруҳ босқичидан чиқиш учун ушбу баҳсга ҳам худди аввалги баҳслардагидек жиддийлик ва юқори концентрация билан ёндашишимиз лозим», — дея Дешамнинг сўзларини келтиради RMC Sport.

I гуруҳидаги 1-турда Франция Сенегални (3:1) мағлуб этганди, Ироқ эса Норвегияга (1:4) йирик ҳисобда ютқазганди.