Туркия футбол федерацияси президенти Иброҳим Ҳожиусмонўғли 2026 йилги жаҳон чемпионатидаги муваффақиятсизликдан сўнг миллий жамоа бош мураббийи Винченцо Монтеллани қўллаб-қувватлади.
«Биз мураббийимизни қўллаб-қувватлаймиз. Бу бир клуб эмас. Айнан клублардаги барқарорлик йўқлиги сабаб кўпинча омадсизликлар юз беради. Охирги икки кунда турли мураббийлар номлари тилга олинмоқда, аммо биз бир йўлда кетаётган инсонни йўл-йўлакай учратганларимизга алмаштирмаймиз.
Мураббийни тактик жиҳатдан танқид қилиш мумкин, аммо тўп устун ёнидан ўтиб кетгани учун эмас. Ҳар қандай салбий ҳолатда ҳам ижобий жиҳат бор, шунинг учун биз олдинга қараб ҳаракат қиламиз», — деди Ҳожиусмонўғли A Spor’га берган интервюсида.
Эслатиб ўтамиз, Туркия миллий жамоаси гуруҳ босқичининг 2-турида Парагвай (0:1)га мағлуб бўлиб, плей-оффга чиқиш имкониятини муддатидан олдин йўқотган.
