Жаҳон чемпионати-2026 гуруҳ босқич 2-турида Парагвай миллий жамоаси Туркия миллий жамоаси билан рўбарў келди. Баҳс Жанубий Америка вакилининг минимал ҳисобдаги (1:0) ғалабаси билан якунланди.
Парагвай миллий жамоаси ҳимоячиси Омар Алдерете баҳсни асосий таркибда бошлади ва финал ҳуштагигача ҳаракат қилди. Бироқ энг муҳими шундаки, ҳимоячи шерикларига бор йўғи 1 маротаба аниқ узатма берди.
Бундай ҳолат 1966 йилдан буён илк бор қайд этилди. Авваллари, жаҳон чемпионатларида тўлиқ ўйин ўтказган футболчилардан ҳеч бири бундай паст кўрсаткич қайд этмаган.
Эслатиб ўтамиз, АҚШ, Канада ва Мексика мезбонлигида ўтаётган мундиал 19 июлгача давом этади.
