Бу ҳақда Бразилия футбол конфедерацияси (CBF) хабар берди.
Бразилия миллий жамоаси етакчиларидан бири Рафиня Жаҳон чемпионати-2026 2-турида Ҳаитига қарши ўйиндан сўнг, ўнг оёқ тизза орқа қисмида оғриқ сезмоқда.
C гуруҳи учрашуви АҚШнинг Филаделфия штатида бўлиб ўтди ва Бразилия миллий жамоаси йирик 3:0 ҳисобида ғалаба қозонди. Рафиня жароҳат олиб, 40-дақиқада алмаштирилди.
«Ҳаити жамоасига қарши ўйиннинг биринчи бўлимида Рафиня ўнг оёқ тизза орқа қисмида оғриқ сезди. Ўйинчи муолажаларни бошлаб юборди ва унинг ҳолати яқин орада қайтадан тиббий текширувдан ўтказилади», — дейилади баёнотда.
Маълумот учун, икки ўйинда 4 очко тўплаган Бразилия миллий жамоаси ўз гуруҳида пешқадамлик қилмоқда. Гуруҳ босқичининг сўнгги ўйинида Карло Анчелотти шогирдлари 24 июн куни Шотландия миллий жамоаси билан тўқнаш келади.
