Португалия миллий жамоаси марказий ҳимоячиси Рубен Диаш ЖЧ гуруҳ босқич 1-турида Африка вакилига қарши ўйин (1:1) борасидаги фикрлари билан ўртоқлашди.
— Конго ДР миллий жамоаси билан ўйинда ғалаба учун нима етишмади?
— Бу борада кўплаб таҳлилчилар ўз фикрларини билдириб ўтишди, одамлар ўйин хақида батафсил маълумотга эга бўлиб улгурди. Биз тезкор гол ура олдик ва ўйинни яхши бошлагандик — ўша лаҳзада энергияни ҳис қилардик, аммо кейин бўшашдик ва тартибни йўқотдик. Шу сабабли, биз самарали ҳаракатларни давом эттира олмадик ва рақибга зарур бўлган қўрқув ҳиссини сингдира олмадик. Ўйин қандайдир ғалати динамикада давом этди. Натижада жамоавий интизом йўқолди — ва биз буни тушуниб турибмиз. Келажакда фақатгина ижобий лаҳзаларни кўряпман, — дея Диаш сўзларидан иқтибос келтирди A Bola.
Эслатиб ўтамиз, Португалия миллий жамоаси 23 июн куни 2-тур доирасида Ўзбекистонга қарши майдонга тушади.
