Туркия миллий жамоаси бош мураббийи Винченцо Монтелла Парагвайга қарши баҳс (0:1)дан сўнг ўз фикрларини билдириб ўтди.
«Жуда афсусдаман, Туркиядан юқори натижалар кутишаётганди. Ўзимизда ҳам катта умидлар бор эди. Туркия футбол федерацияси учун ҳам афсусдаман.
Футболчиларимиз қанчалик меҳнат қилганини биламан. Бундай ҳолат одатда ҳар 50 та ўйиндан биттасида содир бўлади. Икки ўйинда 65 тага яқин зарба бердик. Ҳатто тўп назорати ҳақида гапиргим ҳам келмаяпти.
Омад биз томонда бўлмади. Футболчиларга айтдим: «Сизлар бор кучингизни бердингиз. Тақдирдан қочиб бўлмайди».
Мен «у футболчи кўпроқ иш қилиши керак эди» ёки «бу яхшироқ ўйнаши мумкин эди» демайман. Доим футболчининг интилишларига қарайман. Уларнинг барчаси кураш олиб борди, катта иштиёқ намойиш этди.
Ҳамма қаттиқ меҳнат қилди, жон куйдириб ўйнади, аммо афсуски, натижа бўлмади. Катта турнирларда мунтазам иштирок этишни шакллантиришимиз керак.
Биз доим жаҳон чемпионатига чиқишимиз лозим. Чунки доим қатнашмаганимиз учун футболчиларнинг онгида қандайдир тўсиқ пайдо бўлиши мумкин. Миллий жамоа бу одатни шакллантириши керак.
Бир кишини ажратиб, танқид қилиш осон. Ҳеч кимни айблашнинг кераги йўқ. Чунки биз қўлимиздан келган барчасини қилдик. Мен ҳам жуда қаттиқ ранжидим», — деди Монтелла.
