Туркия миллий жамоаси бош мураббийи Винченцо Монтелла жаҳон чемпионати гуруҳ босқич 1-тур доирасидаги Австралияга қарши ўйин (0:2)дан сўнг ўз фикрларини билдириб ўтди.
«Ўйин тактик жиҳатдан кутганимиздек кечмади. Улар ҳимояда ётиб, қулай вазият кутишини билардик. Улар қарши ҳужумлардан фойдаланди. Иккита гол ўтказиб юбордик ва натижадан жуда хафамиз.
Жамоамиз майдонда чин юракдан ўйнади. Агар шу руҳда давом этсак, исталган натижаларга эриша бошлаймиз. Кейинги ўйинда яхшироқ ҳаракат қиламиз», — дея Монтелланинг сўзларини келтиради A Spor.
Маълумот ўрнида, гуруҳ босқичининг 2-турида Туркия 20 июн куни Парагвайга қарши майдонга тушади. 3-турда эса жамоа 26 июн куни АҚШ билан куч синашади.
