Ўзбекистонлик ҳимоячи Иброҳимҳалил Йўлдошев жаҳон чемпионати учун якуний қайдномага кирмагани борасида айрим мухлислар фикрига жавоб йўллади.
«Ассалому алайкум, ҳурматли мухлислар. Сизлардан бир нарса сўраб ўтмоқчи эдим.
Изоҳларда ўқияпман, айримлар миллий жамоадан четда қолганимга ташқи кўринишимни сабаб қилиб, салбий фикрлар билдиришяпти. Лекин бу гап қаердан чиққанини билмайман. Бундай ҳолат бўлгани йўқ.
Менинг миллий жамоадан қолишим ташқи кўринишим, соч ёки соқолим билан боғлиқ эмас. Бунинг сабаби жароҳат билан боғлиқ вазият эди, холос.
Сизлардан турли тахминлар ва асоссиз гапларга ишонмаслигингизни сўраб қолардим», — деди Йўлдошев. Аввалроқ Иброҳимҳалил текширувдан сўнг бир ой даволанишини айтишгани ҳақида гапириб ўтганди.
