UFC енгил вазн тоифасидаги рейтингда 2-ўринда турувчи, Арманистон ва Россия шарафини ҳимоя қилаётган Арман Царукян АҚШнинг Сент-Луис шаҳрида (Миссури штати) ўтказилган RAF-10 турнирида UFC собиқ жангчиси Тони Фергюсон билан куч синашди.
Жанг арманистонлик спортчининг 2-раундда муддатидан олдин 10:0 ҳисобидаги ғалабаси билан якунланди. Арман учун бу жанг RAF лигаси доирасидаги 7-беллашув бўлди, Тони Фергюсон эса ушбу лигада илк бор иштирок этди.
Царукян ММАда сўнгги марта 2025 йил ноябр ойида октагонга чиққан бўлиб, ўшанда у янги зеландиялик Дэн Ҳукерни 2-раундда таслим қилганди.
Фергюсон эса 2024 йил август ойидан буён жанг қилмаган. Ўшанда у америкалик Майкл Киезага биринчи раунднинг ўзидаёқ муддатидан олдин мағлуб бўлганди.
