Ўзбекистон миллий жамоаси яримҳимоячиси Аббосбек Файзуллаевнинг илк мураббийи Дмитрий Ан 2026 йилги жаҳон чемпионатига йўл олган футболчига ўз тилакларини билдирди.
«Аввало, Аббосга жароҳатларсиз ўйнашни тилайман. Жаҳон чемпионатида у ўзининг креативлиги, тез фикрлаши ва тўп билан ҳаракатларини намойиш этиб, жамоага фойда келтирсин. Шунингдек, уни скаутлар ҳам пайқашини истайман.
Менимча, унда катта ҳаяжон бўлмайди — мен уни яхши биламан, бу босимни уддалай олади», — деди Ан Александр Ершовга берган интервюсида.
18 июн куни Ўзбекистон миллий жамоаси Колумбияга қарши майдонга тушади, 23 июн — Португалияга қарши, 28 июн куни эса ДР Конго билан куч синашади.
