O'zbekiston milliy jamoasi yarim himoyachisi Abbosbek Fayzullayevning ilk murabbiyi Dmitriy An 2026 yilgi jahon chempionatiga yo'l olgan futbolchiga o'z tilaklarini bildirdi.
«Avvalo, Abbosga jarohatlarsiz o'ynashni tilayman. Jahon chempionatida u o'zining kreativligi, tez fikrlashi va to'p bilan harakatlarini namoyish etib, jamoaga foyda keltirsin. Shuningdek, uni skautlar ham payqashini istayman.
Menimcha, unda katta hayajon bo'lmaydi — men uni yaxshi bilaman, bu bosimni uddalay oladi», — dedi An Aleksandr Ershovga bergan intervyusida.
18 iyun kuni O'zbekiston milliy jamoasi Kolumbiyaga qarshi maydonga tushadi, 23 iyun — Portugaliyaga qarshi, 28 iyun kuni esa DR Kongo bilan kuch sinashadi.
