Бразилия миллий жамоаси ҳимоячиси Маркиниос бош мураббий Карло Анчелоттининг роли ҳақида гапирди. Италиялик мутахассис 2025 йил 12 май куни жамоа бошқарувини ўз қўлига олганди.
«Анчелотти — кўп карра ғолиб [Европанинг ТОП-5 лигаларида], жамоани чемпионларга айлантиришни билишини исботлаб бўлган. Ўйлашимча, ҳозир у биз билан эканлиги жуда муҳим. У қийинчиликлар ва босимни ажойиб тарзда енгиб ўтмоқда.
У каби мураббийимиз борлигидан жуда ҳам хурсандмиз. У чиндан жамоани тушуна олади, ҳар бир футболчини, ўйиннинг тактик қисмини — ундан ҳам муҳими, қандай қилиб чемпион бўлишни билади. У жаҳон чемпионати олдидан бизга зарур учқунни бера олди, бу турнирда бизга қўшимча устунлик беради», - дея Маркиниос сўзларидан иқтибос келтиради ФИФА расмий сайти.
Эслатиб ўтамиз, Анчелотти Мадриднинг «Реал» клуби билан 3 марта УЕФА Чемпионлар Лигасида ғолиб бўлган, 2 марта Испания чемпиони ва яна 2 марта Испания Кубоги ҳамда Суперкубогини қўлга киритган, 3 марта УЕФА Суперкубогини, Қитъалараро кубокни, бундан ташқари клублар ўртасидаги жаҳон чемпионатида икки бор зафар қучган.
