АҚШда ўтаётган жаҳон чемпионатида Англия миллий жамоаси тунаб кетилди. Бу ҳақда Daily Mail хабар берди.
Футболчилар Хорватияга қарши ўйин олдидан бутса ва махсус либосларсиз қолган. Қайд этилишича, Англия футболчиларининг бутсалари Канзас-Ситидаги машғулот базасига олиб кетилаётган мадан ўғирлаб кетилган.
Шунингдек, футбол тўплари ва машғулот либослари ҳам Флоридадан Канзас-Ситига кетишда йўқолган. Маълумотларга кўра, жамоа ходимлари ҳозир футболчилар учун шошилинч тарзда бутса топишга ҳаракат қилмоқда. Янада ачинарлиси, ўғирликдан сўнг юк машинасида атиги битта футбол тўпи қолган.
Эслатиб ўтамиз, L гуруҳининг 1-туридан ўрин олган Англия — Хорватия учрашуви 17 июндан 18 июнга ўтар кечаси АҚШда бўлиб ўтади. Ўйин Тошкент вақти билан 01:00 да старт олади.
Аввалроқ Англия ўртоқлик ўйини доирасида Коста-Рикани йирик ҳисобда енггани маълум қилинганди.
