Рой Кин: «Англия катта соврин ютмоқчи бўлса, Кейн ортга қайтиб пас бериш билан шуғулланмаслиги керак»

Рой Киннинг фикрича, Ҳарри Кейн ЖЧ—2026да Англия миллий жамоасининг ҳужум чизиғида асосий етакчи бўлиши керак.

Аввалроқ 32 ёшли форвард Янги Зеландияга (1:0) қарши ўтказилган ўртоқлик баҳсида жамоасига ғалаба келтирганди.

«У позиция танлашда ақл билан ёндашиши керак. Ҳатто гол урилган вазиятда ҳам Янги Зеландия ҳимоясида кўп футболчи бор эди, лекин у шунчаки тўғри жойни топди. Бу тажриба, лекин улар унга жуда кўп бўшлиқ беришгани ажабланарли.

Бундай тажриба билан у вазиятни тўғри баҳолаши керак. У марказгача қайтиб, пас бериш билан овора бўлиши шарт эмас — бу ишни қила оладиган етарлича яхши ўйинчилар бор. Ҳарри олдинга чиқиши керак, у — ҳозир дунёда энг яхшилардан бири.

Агар Англия катта соврин ютмоқчи бўлса, у ҳужумнинг асосий фигураси бўлиши шарт», — деди «Манчестер Юнайтед» ва Ирландия миллий жамоаси собиқ яримҳимоячиси ITV телеканалига берган интервюсида.

Аввалроқ Рой Кин бўлажак мундиал фаворитларини айтганди.