Бавария ва Англия миллий жамоаси ҳужумчиси Ҳарри Кейн Янги Зеландия жамоаси билан бўлиб ўтган ўртоқлик ўйини ўтган майдон майсаси сифати ҳақида фикр билдирди.
— Ростини айтсам, майдон унчалик ҳам яхши эмас эди. Бу бизнинг ўйинимизга таъсир қилиб, қийнчилик туғдирди ва биз истаган тарзда ҳаракат қилишимизга йўл қўймади, - деди Кейн финал ҳуштагидан сўнг.
Ўртоқлик ўйини англияликларнинг Янги Зеландия устидан минимал 1:0 ҳисобидаги ғалабаси билан якунланди. Ягона гол айнан Кейн ҳисобига ёзилди.
Англия миллий жамоаси сўнгги назорат ўйинини 10 июн куни Коста-Рикага қарши ўтказади. 17 июнда эса Тухелнинг шогирдлари Жаҳон чемпионатидаги биринчи ўйинни Хорватияга қарши ўтказади.
