«Манчестер Сити» вингери Жереми Доку яқин вақт ичида клуб билан шартномасини узайтиради.
Маълум қилинишича, 24 ёшли белгиялик футболчи янги битим имзолаш арафасида турибди. Янгиланган шартнома 2031 йилгача амал қилиши айтилмоқда. Шунингдек, келишувда Докунинг маоши оширилиши ҳам назарда тутилган.
Якунланган мавсумда футболчи барча мусобақаларда 47 та ўйинда қатнашиб, 8 та гол урди ва 14 та ассист амалга оширди.
Transfermarkt порталига кўра, унинг нархи 75 миллион еврога баҳоланмоқда. Аввалроқ Доку WhoScored талқинига кўра АПЛнинг ушбу мавсумдаги энг яхши вингери деб топилганди.
