Португалия миллий жамоаси вингери Рафаэл Леау четлатиш сабабли жаҳон чемпионати ўйинларини ўтказиб юбориши мумкин.
«Милан» футболчиси Чилига қарши ўртоқлик ўйинида (2:1) жанжал учун қизил карточка олгани сабабли унга нисбатан жазо қўлланилиши эҳтимоли бор.
Маълум қилинишича, футболчи агрессив ҳаракати учун майдондан четлатилгани туфайли FIFA Интизом қўмитаси дисквалификацияни расмий ўйинларга ҳам татбиқ этиши мумкин.
Агар жазо бир ўйинга тенг бўлса, Леау 10 июн куни Нигерияга қарши ўртоқлик учрашувини ўтказиб юборади. Агар дисквалификация муддати узоқроқ бўлса, у камида 17 июн куни бўлиб ўтадиган мундиал доирасидаги Конгога қарши дастлабки ўйинда ҳам иштирок эта олмайди.
