Лугано: «ЖЧ-2026да Роналду фойдасига пеналтилар белгиланади — худди Қатарда Мессига бўлгани каби»

«ПСЖ» клуби ва Уругвай миллий жамоаси собиқ ҳимоячиси Диего Лугано бу йилги мундиалда ким чемпион бўлиши мумкинлиги ҳақидаги саволга жавоб берди.

«Мен Бразилия деб ўйлайман. Улар ҳақда кўп гапиришяпти. Бу Жанубий Америка жамоаси бўлиб, улардан энг катта натижалар кутилмоқда ва жамоа босқичма-босқич ривожланиб бормоқда. Мен аниқ шу жамоани танлайман», — деди Лугано ESPN эфирида.

Бошқа экспертлар ҳам фаворитлар сифатида Испания, Франция ва Португалия миллий жамоаларини тилга олишди.

«Португалиянинг имконияти бироз юқорироқ, чунки Криштиану Роналду учун пеналтилар белгиланади, худди Лионел Месси билан Қатарда бўлгани каби. Бу — ҳақиқат.

Бундан ташқари, Португалия — жуда сифатли жамоа. Шу энергия ва руҳ билан улар бемалол жаҳон чемпиони бўлишлари мумкин», — деди Лугано. Унинг бу гаплари эфир иштирокчиларини кулдириб юборди.