Испаниялик мутахассис Андони Ираола бугун, 4 июн куни «Ливерпул» билан расман шартнома имзолайди. Бу ҳақда журналист Фабрицио Романо хабар берди.
Маълум қилинишича, келишув тўлиқ тасдиқланган ва яқин вақт ичида эълон қилинади. Бунгача испаниялик мутахассис клуб билан икки йиллик шартнома имзолаши айтилганди. 30 май куни «Ливерпул» бош мураббий Арне Слот билан хайрлашганини маълум қилган.
Маълумот ўрнида, Ираоланинг сўнгги клуби «Борнмут» бўлган. У ушбу жамоани бу мавсум якунида тарк этди.
Андони бошчилигида «олчаранглилар» 57 очко тўплаб, АПЛ турнир жадвалида 6-ўринни эгаллади. «Ливерпул» эса 60 очко билан 5-ўринни банд этган.
