Нидерландиялик ҳужумчи Мемфис Депай Бразилия чемпионатида ўйнаб туриб, жаҳон чемпионатига чақирилган илк европалик футболчига айланди.
Мемфис ҳозирда «Коринтианс» шарафини ҳимоя қилиб келмоқда. Шунга қарамай, бу ҳолат унга миллий жамоадан чақирув олишга тўсқинлик қилмади. У бўлажак жаҳон чемпионати учун Нидерландия миллий жамоаси таркибига киритилди.
Эслатиб ўтамиз, Депай Бразилия чемпионатига 2024 йилда кўчиб ўтган. Ҳужумчи бунгача «Барселона» ва «Манчестер Юнайтед» каби клублар сафида тўп тепган.
