«Манчестер Сити» ҳужумчиси Эрлинг Ҳоланд «Реал»га кўчиб ўтиши мумкин. Бу ҳақда El Chiringuito хабар берди.
«Қироллик клуби» президенти бўлишга номзод Энрике Рикелме норвегиялик футболчи ва унинг отаси билан тўлиқ келишувга эришган. «Шаҳарликлар» форварди ҳам «қаймоқранглилар» сафида ўйнашни истамоқда.
Шу билан бирга, Флорентино Перес ҳам футболчига қизиқиш билдирмоқда ва амалдаги президент ҳам яқин вақт ичида шов-шувли трансферни эълон қилиши мумкин.
Transfermarkt портали мутахассислари Эрлингнинг трансфер нархини 200 миллион евро деб баҳоламоқда. Июл ойида АПЛнинг энг яхши тўпурари 26 ёшга тўлади.
Маълумот ўрнида, «Реал» президентлигига сайлов 7 июн санасига белгиланган.
